Svizra

Svizra

Posted by flavio

Audio clip: é necessario Adobe Flash Player (versione 9 o superiore) per riprodurre questa traccia audio. Scarica qui l’ultima versione. Devi inoltre avere attivato il JavaScript nel tuo browser.

[…] Uossa sezza quel forsa zuond cuntaint sül bankin in seis üert e gioda la bella saira da stà. Na. Quel es adüna malcuntaint. Sar Malcuntaint sterna uossa güsta granulat blautössi cunter lindornas sün sias eras. El ödiescha lindornas, e sch’el nu vess s-chif, schi tillas tagliessa’l per mez cun la forsch d’üert. Schnip schnap, üna davo tschella, cha la böglia squitta. Il dischöl da sar Malcuntaint es ün’invasiun da lindornas. El s’imaginescha millieras da lindornas nüdas chi‘s struozchan nan dals üerts vaschins aint in seis üert. Las lindornas maglian tuot quai chi tillas vegn per ils daints. E las indombrablas schlernas da moc cha las lindornas laschan inavo stendschan la terra.
Forsa cha sar Malcuntaint nu’s fida plü lönch da tössi. Forsa ch’el fa fingià plans per fabrichar ün mür intuorn seis üert. E seis üert sarà l’ultima bastiun cunter las lindornas invasivas. […]

[…] La subriva s’ingrondischa, la nüvla dvainta adüna plü gronda, as stenda sur nus oura. Dapertuot giambers cun pass torts, s’avicinan, cloccan lur cludigls, sun là per at consümar. Schlops da giaischlas strasunan. Tü est là cha cuorrast, cha fügiast, cun tuotta forza. Alch immens ans voul avair, nu pudain fügir. Crappa crouda i’l precipizi, fond tremblar la terra, rodla a tuotta sveltezza e s’avicina adüna daplü, pron- ta, stribla teis corp, eu at guard e tü cuorrast, tü cuorrast invan, l‘uonda da craps es là, ella at tocca, ella at splattütscha. Uossa est cuvert, sco üna muntogna, ün mantun da crappa, ün massiv, tü restast suottaint, stendschü, mürà aint, svani. […]

[…] Vessa be.
Ah.
Füssa be.
Ah.
Massa tard.
Uossa s’hana laschà pender. Ans vaina laschats pender sü. Nus pen-
dain vi da la muntogna. Il spiert sbatta e sto star salda. Eu sun insom- ma attachà a las muntognas. Adüna. Eu tillas am. L’aria frais-cha, na quist vent dschet chi’m sofla uoss’incunter; la libertà, na la temma, ch’eu saint fin i’l daintulin. E fors’amo il schnuizi, il schnuizi da nu ri- var, el am chatscha, d’ün cuntin. Nu reuschir es il plü grond puchà in quist pajais
Id es üna nardà, üna mania narra, cha nus perseguitain, da la quala ans laschain chatschar, chi’ns chatscha. Ultimamaing adüna daplü.
Eu nu poss resister. Ah.
Vessa be.
Ah.
Füssa be.
Ah.
Massa tard. […]

[…] Tils dodast, giò là, a festagiar il luxus dal luxus. E nus 4 quisü. Sco schi füss ün spass. Per mincha regiun linguistica es pichà ün vi da la paraid nord dal Eiger. E lura plouva quai eir amo.
Ma … a la fin dals quints ans vaina jent.
Els am vöglian bain, sco ad üna bes-cha stroliga… ma i’m vöglian bain. I’s bada.
Schi, eir eu as vögl bain, cunvaschins! […]

SVIZZERASCHWEIZSUISSESVIZRA 14 - set 29, 2014 | Svizra
Tagged | , ,

Leave a Reply

You must be logged in to post a comment.